263Views 0Comments
އާފެށުމަކާ އާރޫޙަކާ އެކުގައިއޮތީ އަދުދިރުވުމޭ
އާފެވުމަކާ ޖޯޝާއެކީ ދިރުވާށަވީ ޤައުމިއްޔަތޭ
މާޒީވިހާ ކަންތައްތަކުން ފެނިގެންދަނީ ހިތްދަތިކަމޭ
ޣާޒީރަދުން ދެއްކެވިމަގުން ދިރުވާށެވީ ޤައުމިއްޔަތޭ
ގާތީފިލުން އަދުހިތްތަކުން ޤައުމެއްގެހުރި މޫރިތިކަމޭ
ދާތީއޮޔާ އަދުޖީލުތައް ދިރުވާށެވީ ޤައުމިއްޔަތޭ
އާކަންކަމާ އާގޮތްތަކާ ގެނުވައިފިޔޭ ގެއްލުންލިބޭ
މާދަންކުރަން ފަހެނުތިބެމާ ދިރުވާށެވީ ޤައުމިއްޔަތޭ
ދީނަށްއަދައި އަދުޙުރުމަތެއް ދެއްވަންޖެހޭ މީހެޔޮގޮތޭ
ދީނަށްޓަކާ ޤައުމަށްޓަކާ ދިރުވާށެވީ ޤައުމިއްޔަތޭ
އާދިރުމަކާ އާރޯކަމެއް ބަހަށާއެކީ ގެންނަންޖެހޭ
މާދިގުދެމެން ދޫކޮށްނުލައި ދިރުވާށެވީ ޤައުމިއްޔަތޭ
ފޫނެތްފަޔަށް އަދުފެންފުރަން ޖެހިދާނެތީ ވިސްނައިދެމޭ
ހޫނެއްމިތާ ނުމެގެނައުމަށް ދިރުވާށެވީ ޤައުމިއްޔަތޭ
