ޅެން: ޤައުމިއްޔަތު ދިރުވަން އިސްކަންދެމާ

ދިވެހިބަސް، ދީނާތަރިކަ، ދިރުވާށެވީ ޖޯޝާއެކީ
ދިވެހިގޮތް ރައްކާކުރަން އެކުވާށެވީ ޢަޒުމާއެކީ
މިވެށިވެސް އަދުއިސްކުރޭ މިނިވަންކަމަށް އިސްކަން އެދީ

ބާރުލައި ދިރުވާށެވީ ގައުމިއްޔަތޭ އަދު ދީބުގާ
އާރުލައި ގޮތުގައިމިކަން ވިސްނައިދެމާ އަދު އެންމެނާ
ނާރުގައި ހަރުލާނެހާ ގޮތަކުން މިތާ އިއްވައިދެމާ
ވާރެއާ ވިއްސާރަޔަށް ނުގުޑާނެހެން ބުނެ އަންގަމާ

ދާށެވީ އަދުއަތުގުޅައި އެންމެންއެކީ އެއް ޢަޒުމުގާ
ވާށެވީ ޤުރުބާންމިތާ ޤައުމަށްޓަކައި އަދު މިގޮތުގާ
ލާށެވީ އާރާއިބާރު ރައްކާކުރަން އަދު އެގޮތުގާ
ދޭށެވީ ޖާނާއިމާލް ފައްކާކުރަން ބުނެ ދެގޮތުގާ

ވާދަކޮށް ފޯރީދެމާ ދިރުވަން މިތާ ވީސަގާފަތާ
އާދަކޮށް އަދު ދަރިވަރުން ކިޔަވަން ފަށާ ތާރީޚުތާ
މާދަރީ ބަހުގައިހިފައި އަބަދަށް އެކީ ދަމަހައްޓަމާ
ވާދަރީން ޤައުމިއްޔަތަށް އިސްކަންދެމުން އަދު ވިސްނަމާ